dvbbs
收藏本页
联系我们
论坛帮助
dvbbs

>> 向世界语朋友推荐国外好文章,题材不拘,文体不拘
搜一搜更多此类问题 
世界语学习论坛世界语应用区精华文章阅读 Elitaj legaĵoj → Sud-orienta Eŭropo: motoro de la nova Eŭropo

您是本帖的第 993 个阅读者
树形 打印
标题:
Sud-orienta Eŭropo: motoro de la nova Eŭropo
mandio
美女呀,离线,留言给我吧!
等级:版主
文章:2545
积分:22759
门派:无门无派
注册:2006年8月17日
楼主
 用支付宝给mandio付款或购买其商品,支付宝交易免手续费、安全、快捷! 点击这里发送电子邮件给mandio

发贴心情
Sud-orienta Eŭropo: motoro de la nova Eŭropo

Sud-orienta Eŭropo: motoro de la nova Eŭropo

Sud-orienta Eŭropo montris dum la pasintaj kvar jaroj klare la plej altan ekonomian kreskon en Eŭropo. Kun reala pliiĝo de 23 % en tiu periodo la regiono ekonomie kreskis multe pli rapide, ol la „malnova” Eŭropa Unio el 15 ŝtatoj, kaj ankaŭ pli rapide, ol la 8 novaj EU-membrolandoj (16 %) de centra kaj orienta Eŭropo, kiuj eniris la union pasintjare.

Ankaŭ kompare kun la dinamikaj regionoj de Azio sud-orienta Eŭropo bone sin prezentis. Ĉi-jare kaj venontjare ĝi restos la plej dinamike evoluanta regiono en Eŭropo. Tion deklaris Stefan Bruckbauer, ekonomikisto de la viena Bank Austria Creditanstalt (BA-CA). Ĉi-jare estas prognozata 5-procenta kaj en 2006 5,5-procenta ekonomia kresko de tiu regiono.

Investoj

Tiu pozitiva evoluo plifortigis ankaŭ la tutekonomian signifon de la regiono. Kun pli ol ok miliardoj da eŭroj en fremdlandaj rektaj investaĵoj en la jaro 2004 sud-orienta Eŭropo sukcesis altiri trionon de la investita kapitalo al la landoj de centra kaj orienta Eŭropo. Ankaŭ en la sekvaj jaroj la situacio en tiu regiono favoros la rektajn investojn. Malaltaj salajroj kaj impostoj, samkiel la plua EU-integriĝado, kontribuos al tio. Konsiderante la venontajn privatigojn, oni prognozas, ke ĉi-jare kaj en 2006 fremdlandaj investoj je dek miliardoj da eŭroj fluos al sud-orienta Eŭropo. Tio egalas al preskaŭ 40 % de ĉiuj investoj, kiuj fluas al centra kaj orienta Eŭropo.

Ankaŭ estonte dinamika kresko

Sud-orienta Eŭropo ankaŭ dum la venontaj jaroj restos la plej dinamike evoluanta parto de Eŭropo, eĉ se la evoluo en kelkaj landoj estus malrapidigita. Por iuj landoj el la regiono plu ekzistos la eblo de negativaj politikaj surprizoj, samkiel povus ja ankaŭ iuj el ili surprizi per sia integriĝ-ritmo. Ekzemple, Bulgario povus kuratingi ĉe la enkonduko de la eŭro iun alian landon el la novaj EU-membroŝtatoj.

Tiuj evoluoj estigas ankaŭ pozitivajn impulsojn por la banka sektoro, kiu montris eksterordinarajn rezultojn kun kresko je 29 % jare dum la pasintaj kvar jaroj. Por la sekvaj jaroj plu ekzistas konsiderinda potencialo, eĉ se surbaze de la fortaj kreskoj, kiuj kaŭzis problemojn kun la pagobilanco, eblas atendi pli restriktajn agojn flanke de la centraj bankoj.

La ekonomikistoj de BA-CA prognozas pliiĝon de la kreditoj en sud-orienta Eŭropo je 300 % en la sekvaj dek jaroj, kio respondas al novaj kreditoj je 130 miliardoj da eŭroj. Pro tio sud-orienta Eŭropo evoluos en la venontaj jaroj pli dinamike, ol la ok novaj EU-membroŝtatoj, kiuj kun atendata kresko de 230 % konservos sian dinamikecon.

Evgeni GEORGIEV
ip地址已设置保密
2008-12-11 8:37:46

 1   1   1/1页      1    
网上贸易 创造奇迹! 阿里巴巴 Alibaba
Copyright ©2006 - 2018 Elerno.Cn
Powered By Dvbbs Version 7.1.0 Sp1
页面执行时间 0.25000 秒, 4 次数据查询