dvbbs
收藏本页
联系我们
论坛帮助
dvbbs

>> 介绍读物,指导阅读实践
搜一搜相关精彩主题 
世界语学习论坛世界语学习讨论区阅读天地 Legejo → 《青春之歌》

您是本帖的第 6271 个阅读者
树形 打印
标题:
《青春之歌》
tong
美女呀,离线,留言给我吧!
等级:版主
文章:792
积分:7321
门派:无门无派
注册:2006年8月1日
11
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
2.5
  Lin Botang pinĉkaresis siajn lipharojn kaj kapjesis kun rideto.
  "Jes,sinjorino! Vi ĉiam havas pli akran vidon ol aliaj. Estas bone sendi ŝin al lernejo,ĉar nun jam elmodiĝis la diro 'virino malklera,virino virta'."
  Kaj sekve,la eta Daojing komencis studi en lernejo. Ŝi estis inteligenta,kaj al ŝi plaĉis la lernado. Sed ŝi estis ne komunikiĝema,nenion dirante de la mateno ĝis la nokto. Tiu,kiu tion ne sciis,eble kredus,ke ŝi estas muta. Ŝia plijuna frato,dorlotata de la patrino,ofte ofendis ŝin,batis ŝin,sed ŝi neniam ploris. Iufoje ŝi toleris,lasante lin bati ŝin. Alifoje,tre kolerigita,ŝi respondis per fortaj batoj. Kompreneble post tio ŝin atendis severa puno. La patrino ŝin ne frapis per bastono,sed preferis pinĉi per fingroj aŭ mordi per dentoj. Iutage,ŝia frateto rompis florvazon ŝatatan de la patrino,sed li ĵetis la kulpon sur Daojing. Nokte,kiam Daojing jam endormiĝis en la servistina ĉambro,subite ŝi ekvekiĝis pro akra doloro. Ŝi tuj komprenis kio okazas. Ŝi kunpremis la dentojn kaj malcedeme pretigis sin alfronti la atakon de ĉia turmento.
  "Vi ĉiam pli aŭdacas,ido de hundino! Kompensu al mi la rompitan florvazon!"
  Ŝiaj kruretoj ŝvelis pro pinĉoj,sur la haŭto de la braketoj aperis sangaj dentosignoj pro la mordoj. Sed Daojing ne ploris,nek sin submetis; el ŝiaj obstinaj okuloj ne falis eĉ guto da larmo. Tia estis la vivo,kiun ŝi vivis,kvazaŭ hundido. En la familio ŝin kunsentis kaj amis nur la maljuna servistino Wang,kiu ofte ŝin prizorgis sen scio de Xu Fengying. Daojing kompreneble ankaŭ amis Wang. Kiam ŝi sentis malsaton aŭ froston,ŝi iris al onklino Wang kaj ŝiaj larmoj verŝiĝis nur antaŭ ŝi.
ip地址已设置保密
2015-3-11 13:30:09
tong
美女呀,离线,留言给我吧!
等级:版主
文章:792
积分:7321
门派:无门无派
注册:2006年8月1日
12
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
2.6
  Fininte la studadon en la elementa lernejo,Daojing sukcese trapasis la ekzamenon por eniri Xishan-an Knabinan Mezlernejon,en la okcidenta antaŭurbo de Beiping. Nun Xu Fengying okulfrape ŝanĝis sian traktadon al ŝi,kiu estis jam altkreska kaj bela knabino. Daojing havis ovalan vizaĝon,rozkoloran,kiu radiis kvazaŭ diafana gemo. La brovoj,longaj kaj nigraj,elegante etendiĝis al la tempioj. Sed la plej belaj estis ŝiaj melankoliaj kaj ĉarmaj okuloj. Ŝi ne emis paroli aŭ ridi,kaj estis ne komunikiĝema. Sed tion ne priatentis Xu Fengying. Ŝin interesis nur la bela aspekto kaj ia lerneja rango de la knabino,kiuj estis,laŭ la modo de tiu epoko,nemankigeblaj kondiĉoj por virino se ŝi volis edziniĝi kun viro riĉa kaj povohava.
  Venis la tempo por Daojing adiaŭi la hejmon kaj iri komenci la studadon en la mezlernejo. La gepatroj persone ŝin akompanis al la enirejo de la domo. Lin Botang,vestita en silka robo,staris sur la marmora perono,karesante per fingroj siajn lipharojn. Post momenta meditado,li ridete parolis per laŭda voĉo al Daojing,kiu jam sidis en rikiŝo kaj estis forveturonta.
  "Gratulon al vi,fraŭlino! Nun vi komencos studi en gimnazio,kio egalas al sukceso en la ekzameno por ŝiŭcaj! Ha,ha,ha! ..." 
ip地址已设置保密
2015-3-11 13:30:41
tong
美女呀,离线,留言给我吧!
等级:版主
文章:792
积分:7321
门派:无门无派
注册:2006年8月1日
13
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
2.7
  Lin Botang estis ne nur edukisto kaj filantropo,sed ankaŭ sufiĉe fama ĝjuĵen de la dinastio Qing. Kiam li,sukcese trapasinte la ekzamenon por ĝjuĵen,estis preta iri al la ĉefurbo Beijing (Pekino) de la dinastio por partopreni la ekzamenon por plialta rango,okazis la konstitucia reformisma movado de Kang Youwei kaj Liang Qichao. Tiam kreiĝis en Beijing la Universitato de la Ĉefurbo. Kaj tiu ĉi ĝjuĵen,sekvante la tendencon de la epoko,veturis kun sia edzino al la ĉefurbo kaj fariĝis bakalaŭro de la universitato. Post la fondiĝo de la Respubliko de Ĉinio en 1912,tiu ĉi tendencsekvema "bakalaŭro" kaptis la furoron de edukagado kaj baldaŭ fariĝis edukisto. Kun la preteksto "establi lernejojn",per malalta prezo li aĉetis de nobeloj de la dinastio Qing grandajn pecojn da galopmarkita tero. Kaj disflugis en la majesta mondumo liaj nomkartoj,plenaj de titoloj de "ĝjuĵen de 1898","bakalaŭro de la Universitato de la Ĉefurbo","direktoro de Min'an-orfejo","rektoro de Wuben-Universitato",ktp. Oni admiris la talentan kaj virtan profesoron Lin Botang,sed neniu menciis,kiel kruela li tramplis la kompatindan Li Xiuni.
  Lin Botang estis parkere leginta la ĉinajn klasikajn verkojn kaj ankaŭ estis studinta Kant kaj Montesquieu,sed kio lin plej entuziasmigis estis la rangoj donitaj de la imperia ekzameno. Pro tio li laŭdadis sian filinon,dirante,ke studi en la gimnazio egalas al sukceso en la ekzameno por ŝiŭcaj.
ip地址已设置保密
2015-3-13 10:20:05
tong
美女呀,离线,留言给我吧!
等级:版主
文章:792
积分:7321
门派:无门无派
注册:2006年8月1日
14
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
2.8
  Xu Fengying,kiu estis dikulino kaj ne ĉesis svingadi silkan ventumilon eĉ en aŭgusto,staris sur la perono,kun okuloj duonmalfermetitaj,por admiri la filinon. Antaŭ ol tiu ĉi komencis paroli,ŝi jam interrompis:
  "Bone studu,koro mia! Panjo klopodos akiri monon por subteni vian studadon en la gimnazio kaj en la universitato. Kiam vi finos vian studadon en eksterlando kaj revenos,vi ĝuos pli da gloro,riĉeco kaj povo ol ĝŭang'jŭan!" Parolante,ŝi subite turnis sian kapon al la edzo kaj diris kokete: "Hm,je kio vi ridas,maljunulaĉo? La filino estas de mi naskita kaj prizorgita! Kiam ŝi gajnos riĉecon,vi ĝin ne rajtos partopreni!"
  Xu Fengying parolis ekscitite,disŝprucigante saliverojn,kiel se ŝi estus koleriĝinta. Lin Botang tamen ĝojridis. Li kontente balancadis sian kapon al la edzino,dirante: "Ĉio al vi apartenos,sinjorino! Ĉio,inkluzive de la mono gajnita de la bofilo,ĉu bone?
  La 12-jara Lin Daojing ĵetis malŝatan rigardon al siaj tiel nomataj gepatroj kaj,nenion dirante,forveturis en la rikiŝo,kun larmoj en la okuloj.
  En la gimnazio,Lin Daojing,kiel birdo elkaĝigita,ŝissate enspiris la dolĉan aeron de la libero. Ŝi ŝatis legi,precipe literaturaĵojn. La libroj kulturis ŝian riĉan imagpovon kaj aspiron pri bela estonteco. Ŝi estis senlime revema. Ju pli ŝi legis,des pli ŝi pensis. Sed aspekte ŝi montriĝis indiferenta por ĉio,ŝi restis silentema. El la samlernejaninoj,ŝi intime rilatis nur kun unu,kiu nomiĝis Chen Weiru. Tiu ĉi knabino traktis ŝin milde kaj afable,simpatiis ŝian malfeliĉan vivon,inspiris al ŝi entuziasmon kaj kuraĝon. Tiel ili fariĝis bonaj amikinoj.
ip地址已设置保密
2015-3-13 10:20:27
tong
美女呀,离线,留言给我吧!
等级:版主
文章:792
积分:7321
门派:无门无派
注册:2006年8月1日
15
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
2.9
  En 1931,restis nur iom pli ol du monatoj ĝis la finiĝo de ŝia gimnazia kursaro.
  Iun posttagmezon,reveninte al la lernejo de sia hejmo en la urbo,Lin Daojing sidis tristamiene sur sia sidloko en la klasĉambro kaj restis senmova dum longa momento. Multaj kunlernantinoj rigardis ŝin scivole. Iu venis al ŝi kaj demandis:
  "Por kio via patrino vokis vin al la urbo,Lin Daojing? Kial vi tiel aspektas reveninte de la hejmo?"
  Chen Weiru tiretis ŝian manikon,karesis ŝiajn harojn kaj flustris al ŝi kun milda voĉo:
  "Diru al mi,Daojing,kio okazis!"
  Sed Daojing nenion respondis,sidante tie kiel ŝtono.
  Iuj el la kunlernantinoj brue eksplodis per rido; nur nun Daojing ekvekiĝis,kvazaŭ el sonĝo. Viŝante al si la okulojn,ŝi diris kun amara rideto:
  "Je kiu vi ridas? Ne ŝercu!" Kaj ŝi ekstaris kaj forlasis la ĉambron.
  Iom poste ŝi atingis,akompanata de Chen Weiru,la rivereton okcidente de la lernejo.
  La du knabinoj paŝis ŝultron ĉe ŝultro. Subite Daojing haltis,turnis sian kapon al Chen Weiru kaj diris,najlante sian rigardon sur ŝi:
  "Weiru,mi ne povos daŭrigi mian studadon! ..." Ŝia vizaĝo ege paliĝis.
ip地址已设置保密
2015-3-16 14:02:33
tong
美女呀,离线,留言给我吧!
等级:版主
文章:792
积分:7321
门派:无门无派
注册:2006年8月1日
16
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
2.10
  "Kial,Daojing?" Por kio via panjo vokis vin hejmen?" La kunsentema knabino estis timigita de la doloro de Daojing kaj montriĝis pli maltrankvila ol sia amikino.
  Daojing denove silentis. Ili eniris la arbareton kaj sidiĝis apud saliko ĉe la bordo de la rivereto. Daojing fiksis sian rigardon al la ore brilanta akvo kaj,longan momenton poste,ekmurmuris,kvazaŭ al si mem:
  "Mia hejmo ruiniĝis! Mia patro,malkreditigite kaj elsuĉite de proceso pri propreco de tero,forvendis,sen scio de patrino,ĉiujn siajn bienojn norde de la Granda Muro kaj forkuris kun konkubino. Nun mi fariĝas la unika riĉaĵo de mia patrino ..."
  "Kio? Riĉaĵo? Vi ja ne estas mono!"
  "Patrino volas,ke mi fariĝu ŝia moneroprodukta arbo. Ŝi vokis min hejmen,volante min edzinigi al riĉulo,por ke ŝi povu daŭre ĝui komfortan vivon. Mi malkonsentis kaj rompis kun ŝi."
  "Kion fari?" Chen Weiru forte premis en sia mano tiun de Daojing kaj preskaŭ ekploris. Tamen Daojing diris nun kun aplombo,karesante la manon de Chen Weiru:
  "Estu trankvila,Weiru! Mi neniel submetiĝos. Se mi ne sukcesus,mi preferus morti!"
***  
ip地址已设置保密
2015-3-17 14:22:13
tong
美女呀,离线,留言给我吧!
等级:版主
文章:792
积分:7321
门派:无门无派
注册:2006年8月1日
17
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
2.11
  Xu Fengying efektive ĉesis doni monon al Daojing,intencante ŝin minaci per tio. Daojing tamen ne fleksiĝis.
  Ŝi volis tuj forlasi la lernejon por perlabori sian vivrimedojn,sed kien ŝi povis iri antaŭ la finiĝo de la lerna semestro? Iuj entuziasmaj samlernejaninoj,kiuj simpatiis kun ŝi,monhelpis ŝin en la manĝopago,ebligante al ŝi,kvankam malfacile,fini la studon de la lastaj du monatoj.
  Fine alvenis la someraj ferioj. Daojing devis sin prepari por iri hejmen,kun nebula espero kaj peza koro. Ŝi sciis ke,se ŝia patrino ne ŝanĝos sian decidon,ŝi certe ne povos daŭrigi la studadon,malgraŭ ke ŝi deziregis studi en universitato. Sed ĉu la kruela patrino aliigos sian planon?
  Ŝi perpleksiĝis.
  Ŝi dungis rikiŝon kaj veturis al la urbo. Akompanis ŝin amaso da muzikinstrumentoj,kaj la plej ŝatata "papilio"-buŝharmoniko estis metita en ŝia poŝo. Krom literaturo,Daojing ankaŭ tre amis muzikon; pro tio,ŝi ĉiam kunportis kun si tiun amason. La samlernejaninoj donis al ŝi du kromnomojn: unu bela,"flaĝoleta feino",alia malbela,"vendejo de muzikiloj". Post la lernohoroj,ŝi ofte ludis sola la instrumentojn,mirigante la apudestantojn per la raviteco,kiu radiis el ŝiaj kutime melankoliaj okuloj,kaj nur tiumomente aperis el ŝia peza mieno infana vigleco. Sed en la lastaj monatoj,post kiam okazis la subita akcidento en ŝia vivo,ŝi jam malmulte ludis siajn muzikilojn. Se iu samlernejanino ŝin priridis demandante "kial vi fermas vian vendejon,flaĝoleta feiino?",ŝi nur respondis per silenta ekrideto kaj foriris.
ip地址已设置保密
2015-3-18 20:58:28
tong
美女呀,离线,留言给我吧!
等级:版主
文章:792
积分:7321
门派:无门无派
注册:2006年8月1日
18
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情

2.12

  Sidante sur la rikiŝo,kiu rampis ŝanceliĝante sur la tervojo,Daojing pli kaj pli maltrankviliĝis. Reaperis de tempo al tempo antaŭ ŝiaj okuloj la bildo de ŝia patrino,kiu insultis ŝin tiom furioze,kiom ŝi vipis siajn farmulojn: "Ido de hundino! Vane mi vin vivtenas!" "Ĉu vi,patrinomanĝa strigido,min obeos? Se ne,iru for!" Pensante pri tio,Daojing tremetis. Ŝi forte brakumis la muzikinstrumentojn,kvazaŭ ŝi timus,ke oni forrabus ilin.
  Tamen,kontraŭ la supozo de Daojing,kiam ŝi atingis la hejmon kaj enpaŝis la ĉambron de la patrino,tiu ĉi,ludante maĝangon kun gastoj,ameme premis al ŝi la manojn kaj alparolis ŝin kun rideto:
  "Ho,mia kara filino,vi revenis! Estis varme sur la vojo,ĉu ne? Hodiaŭ ni havas gastojn; ĉiuj ili laŭdas la bonajn rezultatojn de via lernado!"
  "Eble patrino ne plu devigas min edziniĝi? Espereble ŝi permesos min studi plu?" Daojing pensis. Ŝi kredis je tio,ke "la klereco estas ĉio,la cetero estas nenio". Kiel feliĉa ŝi estus,se ŝi povus daŭrigi la studadon! Kaj ŝi salutis riverencete al la gastoj. Antaŭe tre malplaĉis al ŝi tiuj monludistoj kaj fumemuloj invititaj en la hejmo,sed nun ili ŝajnis ne tiom abomenaj,kaj ŝi,starante ĉe la tablo,montris honteme al ili ekrideton.
  "Jen estas policestro Hu." La patrino prezentis ŝin al maldika viro,en eŭropa vesto,kiu sidis sur la honora sidloko ĉe la tablo. "Tiu ĉi estas mia filino Daojing." Kiam la patrino,kun duonfermetitaj ŝvelaj okuloj,obeeme kaj kvazaŭfiere ekridis al la pala maldikulo,Daojing subite eksentis abomenon. Ŝi tuj sin turnis al la interna ĉambro,ne volante aŭdi kion diris pli la patrino.  

ip地址已设置保密
2015-3-19 17:18:30
tong
美女呀,离线,留言给我吧!
等级:版主
文章:792
积分:7321
门派:无门无派
注册:2006年8月1日
19
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情

2.13

  Daojing restis en hejmo. Dume ŝi partoprenis la ekzamenon por eniri la Normalan Universitaton. Kvankam ŝi ĝojis pro siaj bonaj notoj en la ekzameno,ŝi dronis ĉiam pli profunde en aflikton kaj doloron,pensante pri sia devigota edziniĝo kaj aŭdante la tranoktan bruon de maĝango,trivialajn amindumajn ŝercojn inter geviroj,voluptajn kantojn,insultojn de viroj kiuj perdis en la monludo...
  "Kiel degeneris la patrino,sen edzo kaj sen havaĵo!" Ŝi sentis kaj ĉagrenon kaj naŭzon pri la patrino,kiu,kvankam 47-jara,tutan tagon elegante sin tualetis kaj koketis al viroj.
  Pasis pli ol du semajnoj.
  Iutage la patrino ŝajnis eksterordinare ĝoja. Ŝi iris kun Daojing al vendejo,kie ŝi aĉetis por ŝi robon el blanka ŝtofo kaj paron da blankaj kanabtolaj ŝuoj. La patrino volis aĉeti por ŝi elegantan ŝtofon,sed la obstina filino preferis en somero blankan robon,blankajn ŝtrumpetojn kaj blankajn ŝuojn,kiujn portante ŝi aspektis tute kiel flegistino. La patrino ne havis alian rimedon krom ŝin konsenti. Vespere ŝi preparis pladojn plej ŝatatajn de Daojing,kaj,post la vespermanĝo,patrino kaj filino sidis kun la fileto Daofeng sur litrando kaj sencele babilis. Subite la patrino diris: "Daojing,via patraĉo forkuris oni ne scias kien,lasante nin tri,kun neniom da bieno. Via frato estas tre juna,kaj vi mem ankoraŭ ne kapablas vivteni la familion. Per kio ni vivos en la estonteco?" Parolante,ŝi larmis. Daojing klinis la kapon. Nun la patrino tamen ŝin konsolis,dirante: "Sed ne estu malĝoja,mia bona knabino. Se nur vi aŭskultos min,ni ja ne bezonos zorgi pri manĝo kaj vesto; krome vi eĉ povos studi en universitato."

ip地址已设置保密
2015-3-20 20:43:01
tong
美女呀,离线,留言给我吧!
等级:版主
文章:792
积分:7321
门派:无门无派
注册:2006年8月1日
20
 用支付宝给tong付款或购买其商品,支付宝交易免手续费、安全、快捷! 点击这里发送电子邮件给tong

发贴心情
2.14

  Daojing silentis. La patrino,post paŭzo,aldonis kun rideto,mordante al si ungon: "Ho,kara filino,diru al mi la veron,kian edzon vi deziras?"
  Daojing restis sen respondo.
  "Diru,mi demandas vin!"
  "Mi neniam pensis pri tio,panjo. Ĉu vi ne permesis min daŭrigi la studadon? Ne plu menciu al mi pri la edziniĝo,mi petas vin."
  La patrino retenis sian koleron kaj diris kun brovoj kuntiritaj:
  "Vi ne pravas. Mi edziniĝis kun via paĉjo kiam mi havis nur 16 jarojn. Krome,la edziniĝo ne malhelpos vian lernadon." La patrino ekstaris de la litrando kaj,kun la ŝveletaj okuloj duonfermitaj,daŭrigis ridetante kaj prenante en siaj manoj tiujn de Daojing: "Filino mia,aŭskultu bonan novaĵon: Vi plaĉas al la okuloj de la policestro Hu,kiu frekventas nin. Li ŝatas vin pro via klereco kaj beleco. La policestro neniam edziĝis. Li havas iom pli ol 30 jaroj kaj estas riĉa kaj potenca bonulo."
  La filino nur silentis,kun kapo klinita. Kredante,ke ŝi estas jam persvadita kaj ke ŝi nenion eldiris nur pro knabina hontemo,Xu Fengying tiel ĝojis,ke ŝiaj okuloj denove duonfermiĝis pro rideto,kaj ŝi komencis sian senfinan babilaĉon:
  "Se vi konsentos la edziniĝon,mia trezoro,vin atendos senlima feliĉo! La policestro havas eŭropajn domojn en Shanghai kaj Nanjing; li havas grandan sumon deponitan en banko de Beiping; li havas ĉirkaŭ dudek hektarojn da tero en sia naskiĝloko; li havas multajn valorpaperojn en Shanghai. Li estas intimulo de Jiang Jieshi,kaj baldaŭ estos promociita al alta rango..."
ip地址已设置保密
2015-3-23 15:04:46

 37   10   2/4页   首页   1   2   3   4   尾页 
网上贸易 创造奇迹! 阿里巴巴 Alibaba
Copyright ©2006 - 2018 Elerno.Cn
Powered By Dvbbs Version 7.1.0 Sp1
页面执行时间 0.32813 秒, 4 次数据查询