dvbbs
收藏本页
联系我们
论坛帮助
dvbbs

>>
搜一搜相关精彩主题 
世界语学习论坛世界语运动讨论区国内外世运动态 E-novaĵoj en- kaj eksterlandaj → ILEI-novaĵoj

您是本帖的第 778 个阅读者
树形 打印
标题:
ILEI-novaĵoj
gu
帅哥哟,离线,有人找我吗?
等级:版主
文章:35788
积分:378222
门派:绿色
注册:2006年8月2日
楼主
 用支付宝给gu付款或购买其商品,支付宝交易免手续费、安全、快捷! 点击这里发送电子邮件给gu

发贴心情
ILEI-novaĵoj
Karaj Gekolegoj!

Jen mallonga raporto de Stefan MacGill pri lastsemajnaj novaĵoj kaj kelkaj informoj.

Dezirante al vi belan someron, kun multaj salutoj:

Zsofia Korody

prezidanto de AGEI

Karaj!

Pluraj ĝisdatigoj okazis tra lastaj tagoj en nia retejo http://www.ilei.info . La protokoloj de la unuaj du komitatkunsidoj estas troveblaj tute supre ĉe 'Instancoj > Komitato". La protokolo de la tria kunsido nun trairas finkontrolon, kaj aperos en la sekva semajno. Ĉe "Instancoj > Sekcioj" vi trovos novan reprezentanton por Ganao, kaj novajn kontaktpersonojn por Indonezio kaj Nepalo. Bonvenon al ĉiuj! Nova sekcio en Meksiko estas anoncota.

Niaj du novaj honoraj membroj estas aldonitaj al la listigo sub "Instancoj > Honoraj Membroj"; la koncerna regularo estas ĝisdatigita.

Baldaŭ la teksto de la Statuto kaj la Interna Regularo estos ĝisdatigita por enpreni la akceptitajn modifojn. Vi trovos puran version kaj markitan, kiu montros al vi per fonkolorigo kiuj alineoj estis modifitaj, kaj kiuj restas por plia traktado.

Ni troviĝas meze de la renkontiĝa premsezono. Antaŭ UK, sukcesis la ILEI-partopreno en TAKE. Baldaŭ vi legos pri la ĵus finiĝinta SES en Slovakio - la aranĝo por lernantoj de la retejo 'lernu.net' en kiu ILEI delonge ludas aktivan rolon. Ankaŭ legeblos pri SALO 6, somera interŝanĝo inter lernejanoj de Herzberg kaj ĝia ĝemelurbo en Gora, Pollando. La unua ILEI-seminario en Ĉinio komenciĝos post kelkaj tagoj, kaj kunigos ILEI-anojn el Korea Resp, Japanio, Ĉinio kaj eble el pliaj landoj -- bonega preparado por nia venontjara konferenco.

La tria numero de IPR estas en plenvapora preparo - kun raportoj pri nia konferenco, UK-partopreno, kaj espereble raportetoj pri la supre nomitaj eventoj. Ni same laboras pri konferencaj raportoj por Revuo Esperanto kaj aliaj revuoj.

Ne forgesu pri nia alvoko pri UAM - kelkaj pliaj personoj almenaŭ pripensas aliĝi kaj ekstudi, sed por certigi la kurso-starton, ni bezonas ankoraŭ kelkajn pliajn kandidatojn!

Kore

Stefan MacGill

ip地址已设置保密
2011-9-24 9:31:32

 1   1   1/1页      1    
网上贸易 创造奇迹! 阿里巴巴 Alibaba
Copyright ©2006 - 2018 Elerno.Cn
Powered By Dvbbs Version 7.1.0 Sp1
页面执行时间 0.31250 秒, 4 次数据查询