dvbbs
收藏本页
联系我们
论坛帮助
dvbbs

>> Afiŝejo por vejdo
搜一搜更多此类问题 
世界语学习论坛世界语学习讨论区Vejdo 帖子区 → Malsaĝa Avo formovis montojn (sonetoj)

您是本帖的第 236 个阅读者
树形 打印
标题:
Malsaĝa Avo formovis montojn (sonetoj)
vejdo
帅哥哟,离线,有人找我吗?
等级:管理员
文章:2504
积分:28096
门派:无门无派
注册:2006年12月17日
楼主
 用支付宝给vejdo付款或购买其商品,支付宝交易免手续费、安全、快捷! 点击这里发送电子邮件给vejdo

发贴心情
Malsaĝa Avo formovis montojn (sonetoj)

Malsaĝa Avo formovis montojn
ĉina antikva fablo
I.
Malsaĝa Avo loĝis izole montpiede,
la voj’ zigzagis inter alt-montoj tre apikaj.
Familianoj ĉiam eksentis sin panikaj,
se ili volis iri eksteren senrimede.

Vojaĝ’ konsumis longan tempdaŭron vere tede
kaj ilin suferigis la iroj lunatikaj.
Survoje veproj frapis ilin per dornoj pikaj,
terfendoj kaj rokegoj minacis ja obsede.

Formovi l’ Av’ decidis du montojn kiuj ĝenis
per ĉirkaŭiroj ilin, starantajn ĉe l’ kabano.
Persvadi la domanojn en hejmo li ja penis.

Gefiloj liaj lian volegon jen komprenis,
promesis doni fortojn por lia granda plano
kaj la rimedojn eblajn preparajn tuj alprenis.

II.
Sekvtage li kondukis gefilojn al la monto
kaj ekis foslaboron pioĉe kun fervoro.
El ili iuj fosis, aliaj al la foro
transportis ŝtonojn ĉare, ŝvitante kun volonto.

Nenia grumbl’ okazis en familia rondo,
neniu pigris iel kaj plendis pri laboro.
Post kelkaj jaroj la montoj en sungloro
variis neniome kaj restis sur termondo.

Sed ili ne rezignis, ankoraŭ fosis plie,
laciĝon, malfacilojn ignoris tre kuraĝe,
kun cel’ formovi montojn ankoraŭ energie.

La olda Av’ fortstreĉis, kvankam iom malsaĝe,
modelon li starigis por idoj mens-racie,
elspezis forton, tempon kaj riĉon sendomaĝe.

III.
Vidinte tion klare, maljuna Saĝa Avo
demandis al li: “Kial vi tion ja infane
fifaras? De antikve la montoj staras sane,
kaj povas ne moviĝi pro via ega bravo.”

Replikis Av’ Malsaĝa defende ja kun pravo:
“Laboron tiun ni ne faradas tute vane.
Ne diru sensencaĵon tiome vi ĉikane.
Min pikas via diro maljusta kiel glavo.

Se mi ne povos fini, genepoj miaj vere
daŭrigos l’ entreprenon senĉese kontinue,
sukcesos la du montojn formovi sinofere.”

Kortuŝis Ĉielreĝon agado lia skue,
ordonis Li formovi la montojn jen eltere.
Pro tio Av’ Malsaĝa dankegas plene ĝue.

ip地址已设置保密
2018-9-2 9:03:52

 1   1   1/1页      1    
网上贸易 创造奇迹! 阿里巴巴 Alibaba
Copyright ©2006 - 2018 Elerno.Cn
Powered By Dvbbs Version 7.1.0 Sp1
页面执行时间 0.26660 秒, 4 次数据查询