Mao Zifu

                     En la Heĝo

la hundo gardas pordojn;

foras la ĉielregno.

kaj en dorna heĝo mi

konstruas domon for de

la fratoj. en fortikaj

muroj ne aŭskulti ĝemojn

de trajno kaj ŝipoj.

spiradi per fumtub'. kandelo

prilumas tenebrajn okulojn.

soleco estas oro. kaj pli

bone sen ino. sen ŝi sen idoj; sen ili sen duelo.

mia havaĵo ! nur soleco.

por tio ne bezonas

posteŭloj lukti batalemaj.

en la flakurtio

birdoj nestas, kovas ovojn,

ilin ne povas ataki najoj.

en la barilo pika

mi kuŝas, skandas versojn;

ilin povu aŭdi transmaranoj.

 

superflua do la grimpo laŭ fumblokoj...

 

flakurtio: flacourtia

 

                       el Fonto n-ro 184 (aprilo 1996)

 

            Reen al Katalogo